Phone khone par bhi pata kare IMEI

Phone khone par bhi pata kare IMEI

Dosto iss blog ko padhne ke baad apne khoye huye Phone ka IMEI pata kar sakte hai.

Yadi apka Android phone kho jaye ya chori ho jaye, to complain karne ya number ko track karne ke liye phone ke IMEI number ki zarurat hoti hai.
IMEI number 15 digit ka ek unique number hota hai jo global tarike se phone ki pehchan karta hai.

Phone ke zariye isko pata karne ka sabse aasan tarika hai ki aap apne dialer par *#06# dial kare Aur apki screen me IMEI number samne hoga.
Agar apka phone double sim wala hai to apko 2 IMEI number milenge...

Pareshani tab aati hai, jab apka phone kho jaye aur aap kisi bhi tarike se apne phone ka IMEI number ka pata nahi laga sake.. Iske liye ek easy tarika, isse aap asaani se apne phone ka model aur IMEI number pata laga sakte hai.

Phone ke bina bhi pata laga sakte hai IMEI number

Iss web page ko open kare- Google.com/setting/dashboard.

Jaise hi Aap page par aayenge to apko login karne ke liye kaha jayega.
Isse us email id se login kare, jo id aapne android phone me sink ki ho.

Is page par ek android section dikhega. Jaise hi iss par click karenge, apko phone ka IMEI number dikhayi dega..
yadi iss account ke sath ek se jyada phone use kiya gaya ho to bhi un sab ki jankari yahi mill jayegi.

itna hi nahi Yaha se aap apne khoye huye phone ka Google backup delete kar sakte hai.

Phone khone par bhi pata kare IMEI Phone khone par bhi pata kare IMEI Reviewed by Love kaushik on Saturday, June 18, 2016 Rating: 5