Bane ek successful blogger

Baniye ek successful blogger.

Kya aap blog setup karna chahte hai. Par apko pata nahi hai ki start kaha se karni hai, to tension lene ki koi zarurat nahi hai.
Blog ka setup easy hai,
Aap ek template se start kar sakte hai aur kuch hi minutes me pahli post kar sakte hai....
Jaante hai blog ki duniya ko.

Sahi subject aur Naam chune

Sabse pahle vichar kare ki aap blog kyo start karna chahte hai. Kya apke paas free time hai ya paisa kamane ke liye aisa karna chahte hai.
Sabse pahle blog start karne se pahle apne karno ko janna chahiye.
Apko knowledge share karne ke liye blog start karna chahiye. Aap khud ko lekhan ke field me majbut karne ke liye bhi blog start kar sakte hai.
Blog ka pehla makshad visitor ko aakarshit karne ka hona chahiye Isliye apko us subject me blog banana chahiye jisme apko puri zankari ho. Apke blog ka name bhi aisa hona chahiye jo visitor ko yaad ho sake, Aap jis subject ke bare me blog bana rahe hai, blog ka naam usi se related ho. Apke blog ka naam long nahi hona chahiye. Words ke combination aur famous word copy karne se bachna chahiye. Apko ussi subject ke bare me blogging karni chahiye jisme aap passionate ho. Aap blogging ki world me jaldi success ho jayenge.

Visitors ko kaise kare aakarshit.

Visitors ko blog ke liye aakarshit karna ek kathin kaam hai. Visitor ko blog ka niyamit visitor banne ke liye time lagega. Visitor ko aakarshit karne ke liye roz post karna hoga.
Apko search engine optimization ke bare me knowledge jutani chahiye.
Text me keywords, text aur link add kare, jisse visitors apke blog ko search engine me khoj sake.

Blog se kamaye paise..

Blog se paisa kamana aasan nahi.
roz koshish aur post daalne par bhi apko kisi tarah ki income pane me mahino lagjate hai.
Kisi bhi tarah ki income pane ka aasan tarika hai ki aap Google AdSense ki help le.
Iske liye sabse pahle apko..
www.google.com/AdSense par jana padega aur gmail account se sign in karna hoga.
Jab blog visitor kisi advertisement par click karta hai to apko paisa milta hai. Google apko monthly base par pay karta hai.
Iss baat ka dhyan rakhe ki apko turant 100+ dollars ki income nahi hogi.
Agar apke blog par content shandar hai. Aur visitor bahut jyada number par aa rahe hai. To kai brands ads dene ke liye apse contact kar sakte hai. Apko yah bhi dhyan rakhna chahiye ki blog ka content aur advertisement ka balance bana rahe.

Mobile device se blogging.

Aap apne smartphone, tab aur sahi app ki help se blogging kar sakte hai. Apne blog ko maintain karne ke liye aap apne blog platform jaise blogger, wordpress, tumblr ke default app use kar sakte hai.
Isme shandar features hai aur use me bhi easy hai.
Apko proper blog post karne ke liye file karne ke liye kuch dusre app ki zarurat padti hai.
Long text likhne ke liye aap free Kingsoft, WPS office app use kar sakte hai. dono app powerful writer hai.
Agar aap apni post me image add karna chahte hai to apko image editing ki zarurat padegi. Iske liye aap pixelar, picsArt use kar sakte hai.

Bane ek successful blogger Bane ek successful blogger Reviewed by Love kaushik on Friday, July 15, 2016 Rating: 5