PAN Card Aur ATM Card me likhe numbers ki jaankariya karib se

PAN Card Aur ATM Card ki jaankariya karib se..





hello Friends WelCome To iTrickGuru

Dosto jaisa ki aap jante hai India To Cashless hone wala hai.. matlab har kaam ab bina cash ke hoga, cashless india me ab har kaam ATM Card aur wallet se hoga.. Aise me aapko apne ATM Card aur PAN Card ke baare me thodi information rakh leni chahiye..

To chaliye jaante hai ATM aur PAN card me chhupe huye hidden information ke baare me..

#PAN CARD

PAN Card ka use har chhoti se badi chiz me kiya jata hai. PAN Card par ek number hota hai
10 digit ka, yah kis liye hota hai pata hai.?
Kisi ko pata bhi hoga lekin jyadatar log nahi jaante hai. PAN Card ka istemaal baar-baar kiya jata hai.
Chahe Bank me account khulwana ho ya phir income tax return bharna ho.

Kai baar aisa bhi hota hai ki PAN Card sath me nahi hota to ghar phone karke PAN Number to puchha hi hoga.
Lekin kabhi yah jaanne ki koshish ki hai ki PAN Card par likhe number hote hai kisliye hai.?
Apne PAN Card me dekhe kuch numbers hai. Unhi 10 number ki baat ho rahi hai jo PAN Card me hote hai. Yah number Kyo hote hai aur iska matlab kya hota hai. Sirf number bas batane se kaam kaise chal jata hai...
Aapne gaur kiya hoga ki PAN Card ke starting letter alphabetical hote hai.
PAN Card par likhe har number aur letter ek khaas maksad se likha gaya hota hai.

Chaliye jaante hai aakhir kya hota hai PAN Card par likhe huye number ka matlab..

First 3 digit-

PAN Card ke number ke starting ke teen digit English ke alphabet hote hai jo A to Z kuch bhi ho sakte hai.
Yah alphabet kya honge aur kis series me honge, iska nirdharan income tax wale ki taraf se kiya jata hai.

4th letter hai sabse khaas -

Yu to PAN number ka 4th letter bhi English alphabet ka hi hota hai lekin isse yah pata chalta hai ki card kis vyakti ka hai ya company ka ya phir kisi aur ka.
Jaaniye kis letter ka hota hai kya matlab
P - Single Person
F - Firm
C - Company
A - AOP (Association Of Person)
T - Trust
H - HUF (Hindu Undivided Family)
B - BOI (Body Of individual)
L - Local
J - Artificial judicial Person
G - Government


5th letter surname se


PAN Card ka 5th digit Aapke surname ka English ka first letter hota hai.
Iss tarah aapke surname ka pahla letter aapke PAN Card ka 5th digit banta hai.

6th se 9th dugit tak number hote hai.
5ve digit ke baad 6th digit se 9th digit tak number hote hai.
Yeh number 0001 se lekar 9999 tak kuch bhi ho sakta hai. Yah woh number hota hai, jiski series aapka PAN Card banwate time income tax wale ke pass chal rahi hoti hai.

Last letter hota hai alphabet check digit

PAN Card ka last digit bhi English ka alphabet hota hai jo ek alphabet check digit hota hai.


#ATM CARD


Cash rakhne ki tension se bachne ke liye aaj har koi ATM card lekar chalna pasand karta hai. Aur aap bhi bina ATM card ke ghar se bahar nahi nikalte honge.
cashless india me har kaam me ATM se hi payment ho raha hai
ATM card me aapke naam ke sath-sath kafi sari chize likhi hoti hai. Sath hi isme 16 digit ka number bhi likh hua hota hai.
To kya aapne kabhi ye baat jaanne ki koshish ki hai ki aakhir ATM card par ye number kyo likhe huye hote hai, Ya in numbers ka matlab kya hota hai.
Nahi naa, To aapko bata de ki card par likhi har ek digit ka ek matlab hota hai.
To chaliye jante hai ki ATM card par likhi har digit ka matlab kya hota hai..

ATM card ki pahli digit ye batati hai ki card kisne jari kiya hai..
Is digit ko Major Industry Identifier kahte hai. Har industry ke liye ye digit alag hoti hai. Jaise.. 0 - ISO and Other Industry
1 - Airlines
2 - Airlines and other industry
3 - Travel aur Entertainment ( American Express ya Food Club)
4 - Banking and Finance (VISA Card)
5 - Banking and Finance (Master Card)
6 - Banking and Merchandizing
7 - Petroleum
8 - Telecommunications and other Industry
9 - National Assignment


Uske baar agli 6 digit ye show karta hai ki jis company ne ATM card, Debit card, ya Credit card issue kiya hai. Ise Issuer Identification Number (IIN) kahte hai.

AMERICAN EXPRESS - 34XXXXX , 37XXXX

VISA - 4XXXXX

MASTER CARD - 51XXXX-55XXXX


Usse 9 digit bank account number se link rahta hai. Ye puri tarah se bank account number nahi hota hai lekin usi se link zarur rahta hai.
Iske sath hi Credit card ya Debit card ki last digit Check digit ke naam se jani jati hai.

So dosto kaisi lagi aapko Apne PAN card aur ATM card ke baare me ye jaankariya..
Agar aapko achha laga to comments zarur karen aur apne friends ke sath share karna na bhoole..
Thanks For Visiting
PAN Card Aur ATM Card me likhe numbers ki jaankariya karib se PAN Card Aur ATM Card me likhe numbers ki jaankariya karib se Reviewed by Love kaushik on Sunday, October 02, 2016 Rating: 5